>

Arahanta Sutta—Mahāsaṅgīti Tipiṭaka Buddhavasse 2500

Saṃyutta Nikāya 48

3. Chaḷindriyavagga

27. Arahantasutta

1.1“Chayimāni, bhikkhave, indriyāni. 1.2Katamāni cha? 1.3Cakkhundriyaṃ, sotindriyaṃ, ghānindriyaṃ, jivhindriyaṃ, kāyindriyaṃ, manindriyaṃ. 1.4Yato kho, bhikkhave, bhikkhu imesaṃ channaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā anupādāvimutto hoti—

1.5ayaṃ vuccati, bhikkhave, ‘bhikkhu arahaṃ khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto’”ti.

1.6Sattamaṃ.

You can change the language from the menu in the toolbar.